Foto/Cronicas (Senior)

Compártenos

Inicio

Tempadas

Tempada 2011/2012

Equipo Senior

1ª Xornada. 8 de Outubro

AC Órdenes 8 - CH Compostela 9

Non apto para cardíacos

O partido disputado o sábado na pista do AC Ordes entre o anfitrión e o CH Compostela foi épico. Case poderiamos falar de dous partidos diferentes: o da primeira parte na que o equipo local controlaba a bóla, facía contraataques e marcaba e a segunda parte na que esas accións corresponderon ao Compostela.
O CH Compostela saíu a pista un tanto despistado e perdido, na que se perdían bólas no medio da pista que aproveitaba o rival para contraatacar e marcar ante a escasa eficacia da defensa do Compos. Esta situación durou practicamente toda a primeira metade, de aí que aos 3 minutos de xogo xa ía o Ordes con 3 goles a 0. Ao final desta primeira metade o marcador expoñía un desolador 8-1.
Comeza a segunda mitade do partido e os rapaces do Compostela comezan a controlar as bólas de pases, evitando así os roubos dos que facía gala o Ordes na primeira metade. Esta circunstancia, xunto cunha mellora en defensa fai que empecemos a ser nós os que realicemos contraataques efectivos que van transformándose en gol.
Pasan os minutos, achégase o final do partido e os rapaces do Compos empezan a crer que poden remontar o partido ante o afundimento do equipo local. 8-2, 8-3, 8-4, 8-5, 8-6, 8-7 e empatamos o partido a falta de minuto e medio para o final. É posible!. Falla a súa xogada de ataque o Ordes e en contraataque rápido do Compos marcamos o 8-9. Loucura total!. Faltan 25 segundos para rematar o partido e é necesario controlar as acometidas locais. Nervios e tensión e ao final soa o ansiado final do partido con triunfo do CH Compostela.
Non apto para cardíacos.