As rapazas do Femenino "A" (Icía, Lucía, Nana, María, Iria, Naila, Naiara, Aldana e Adrea) acaban de proclamarse matematicamente campionas da Copa Federación a falta dun partido, despois de vencer ao HC Cambre este sábado día 10 de xaneiro por un contundente 8-0. Felicidades rapazas. Agora a pola liga.

De Feminino A - HC Cambre (Campeonas Copa Federación) 10-1-2015

O pasado sábado 3 de Xaneiro o Pavillón Municipal de Vite acolleu a I edición dun evento solidario co obxectivo de axudar nestas datas aos máis necesitados con pequenos xestos a través do deporte.

O I Torneo Solidario do Club de Hockey Compostela, reuniu a categorías Micro, Prebenxamin e Benxamin ademais dunha exhibición de patinaxe artística do Club Patín Oroso.

O obxectivo do  I Torneo Solidario Hockey a Patíns CH Compostela tivo como base a recollida de alimentos de almorzo, produtos de hixiene persoal e de limpeza para o Centro Vieiro dependente de Cáritas de Santiago de Compostela.

Para alcanzar este obxectivo, o club invitaba a que cada un dos asistentes ao evento achegase o seu gran de area, entregando cada neno, pai e/ou socio algún dos produtos solicitados.

O acto contou coa presenza de numeroso público e un total de 100 nenos e nenas entre as modalidades de hóckey a patíns e patinaxe artística.

Ao termo desta I edición recolléronse 500 Quilos de alimentos que o club entregou ao Centro Vieiro de Caritas Santiago, da man do Director de Cáritas Interparroquial de Santiago Don José Antonio Beiroa.

O vindeiro sábado día 3 de xaneiro, no pavillón municipal de vite, dende as 10 da mañá, o Club de Hóckey Compostela organiza un Torneo Solidario de Hóckey a beneficio do Centro Vieiro pertencente a Cáritas de Santiago de Compostela. Ademais do Compostela como organizador do evento, se contará coa participación do Compañía de María Hockey Ferrol e o Escola Lubians, ademais dunha exhibición de patinaxe artístico do Club Patín Oroso, e competirase nas categorías Micros, Prebenxamín e Benxamín.
A finalidade é recoller alimentos de almorzo e produtos de hixiene persoal e limpeza destinados a todas as persoas atendidas diariamente polo Centro Vieiro de Santiago de Compostela.
Os artigos que máis se necesitan e cos que se pode colaborar son:
Galletas de almorzo, leite, azucre, cereais, cacao, descafeinado, café moído para cafeteira, sacarina, marmelada, mel, infusións, xel, xampú, máquinas de afeitar desbotables, escuma de afeitar, colonia, lixivia, fregachans, ambientador, toallas de ducha, toallas lavamáns.

Moitas grazas por colaborar nesta bonita causa.