Como non podía ser de outra maneira, a 3ª Edición do Entroido sobre Rodas foi un rotundo éxito. A verdade é que os rapaces responden a a estas xornadas de portas abertas do Compos cun entusiasmo que contaxia a todos nós, e que nos anima a que este evento sexa un fixo no noso calendario. 

Tamén constata que o espíritu do entroido está moi vivo en Compostela, xa que a inmensa maioría acudíu disfrazada dos máis variopintos xeitos: bruxas, pallasos, vaqueiros, indios, princesas, fadas.....

Unha mañán na que se queimaron moitas enerxías patinando, xogando ó hockey, correndo de aquí para alá...pero como todolos anos, esas enerxías foron repostas gracias ás filloas, orellas, rosquillas e refrescos que había para merendar. Gracias ás mamás que estiveron tixolando para que esta merendola fora posible.

En fin, o entroido remata e xa estamos artellando o do ano que ven.